Y col branu recupero los poemarios que van arrastrándose colos años como una corrigüela.

II
Aquests profunds silencis plens de tu,
aquests silencis clars i vehements
tan plens de tu que ja tot hi és sobrer;
Aquesta solitud sense després
que compartim fins a esgotarne els sons;
Aquesta quietud que vulnerem
a penes amb els ulls o bé amb les mans
és un projecte i un acompliment
Marta, l’embruix de tu m’ha tant sotmès
que ja ni em dol la vida que no visc
i em perdo amb tu per llocs inconeguts
i no hi ha espai entre el teu cos i el meu
Arribarem al cor de l’espiral
ponts a través, sense temor del vent,
mans a través, esperonats pel foc.
Boja com jo, m’escoltes i somrius
Tots els camins son bons per fer camí.

Estimada Marta. Miquel Martí i Pol.

Hai un mes diome mio madre ensin muncho aquel la semiente d’una planta que-y traxeren como regalu d’un viaxe a Madrid. La bolsina na que veníen los granos mercárenla nel Muséu del Prado, y reproducía ún de los cuadros que Monet-y dedicó al so xardín de Giverny.

Un mes dempués, y tres los cambios de tierra, de lluz y de tiestu, alcontréme esta mañana cola inesperada apaición de les primeres flores.

Cuando yera neña, y florecíen en Pión les primeres roses, mio güela celebrábalo con un entusiasmu dignu d’un nacimientu.

Será por esta doble coincidencia féliz de güei de la venida d’estes flores y de la mio primer sobrina, que vuelve a paeceme milagrosa la llegada de flores nueves.

La mio piel ha de ser del mesmu lienzu que’l retratu de Dorian Gray.

Diz la dermatóloga que non solo lo que toco o pongo, tamién lo que siento-y afecta.

Que’l celebru y la piel fórmense al tiempu nel fetu. Por eso se faen ecu.

Tamién esta mañana.

Coinciden nesti día del llibru (y la palabra “coincidencia” nun ye un adornu nesti casu) dos alegríes lliteraries mui importantes pa mí.

La primera d’elles ye la que me traxo esta mañana’l poder tener (¡por fín!) ente les manes l’álbum ilustráu “Mio ma, la pirata”, del que yá falara más ampliamente n’otra entrada d’esti blogue, a la que remito, por nun repetime. Tener un fíu siempre ye una alegría, pero cuando posa tan bien nes manes como ésti la felicidá ye doble.

La segunda ye la espublización d’una nueva edición de  “La neña de les trences al revés”, pero esta vez n’alfabetu braille. Préstame enforma que los neños y neñes ciegues puedan tener la oportunidá de lleer esta historia n’asturianu coles manes. D’esta edición son responsables enteramente Pedro y Carmen, a los que quiero dar les gracies más cariñoses publicamente, yá que, amás, se que visiten con frecuencia esti espaciu na Rede.

Tamos de celebración y, amás, por partida doble.

Nel ámbitu de lo xeneral celébrase ún de los díes más guapos del añu: el Día Internacional del Llibru Infantil y Xuvenil.

Nel ámbitu de lo particular celebramos l’estrenu de casa y proyectu.

Un llibru/vida nos espera, vamos buscalos..