Hai unos díes celebróse’l Día de la Paz, ún d’esos pocos díes nos que’l términu “celebrar” pierde tol significáu.

Valme por embargu esti día pa facer la primer recomendación d’esti espaciu qu’estreno, l’álbum ilustráu “El enemigo” de Serge Bloch y Davide Cali, editáu por SM. Guapísima presentación del sinsentíu de les guerres vistu dende la cenciellez del cambiu de puntu de vista. Si yo toi nun furacu-trinchera y l’enemigu ta n’otru pensaré que la persona soi yo y él la bestia que mata ensin razones nin conciertos, ¿pero qué pasa si entro nel furacu del enemigu?

Irónicu, sutil y maraviyosamente ilustráu.

Afortunadamente ensin caxes, nin maleteros hasta arriba, ensin platos embalaos en papeles de periódicu, ensin mantes nin contratos d’alquiler…. múdome dende la páxina vieya porque tenía munchos anuncios y poques posibilidaes, pero sobre manera porque tengo l’enemigu en casa, y eso, yá se sabe, ye mui peligroso… afayaivos nel nuevu tueru…

Ente los munchos ya interesantes artículos que tán publicándose estos díes sobre Gaza, rescato’l de Tomás Alcoverro, periodista y residente en Beirut dende hai años. La llectura de la recopilación de los sos artículos nel llibru “espejismos de oriente”(Editorial Destino), cuento con que pue esplicanos d’un mou tremendamente lúcidos munches de les cuestiones que güei se cuestionen… ehí va l’artículu y la suxerencia.

Semeya: manifestación n’Uviéu organizada pol Comité en solidaridá cola causa árabe.