Un taxi paráu a l’altura d’Olloniego. Nel interior el taxista, la maestra y, nel asientu d’atrás, tres rapacinosde Sestu de Primaria repasando’l guión pa participar en “La radio na escuela” qu’entama colos centros educativos Radio Parpayuela.

Tres coches más p’alantre dos grupos de mineros encapuchaos trevesando quitamieos y árboles baltiaos en dambos sentíos de l’autopista.

Al principiu, decepción por nun llegar a tiempu. A los cinco minutos y una vez baxao del taxi una afirmación rotunda:

- ¡Esto mola más que lo de la radio!

Y eso qu’entovía nun llegara l’helicópteru, nun tornaren los mineros pa la viesca y nun apaeciera n’escena la guardia civil.

Eso sí, al final, LLEGAMOS. Y ficimos el programa. Y prestó-yos (pola vida). Lo de la radio tamién.