Testu publicáu na recopilación “Sentir que toi viva”

La casa, como llugar de referencia pa les persones y sobre manera pa la infancia, ye’l motor d’esta historia que me pon en contactu con una de les editoriales de referencia d’Asturies nel ámbitu del álbum ilustráu: PintarPintar. La casa como llugar de descansu, de consuelu y abellugu contraponse a la situación de los neños y neñes que viven na Casa Malva, a los qu’intenté poner voz.

Pente medies de les histories ye más cenciello imaxinar un mundu onde les perres nun valgan pa nada, los pirates lleven restaurantes o cooperatives d’agricultura, les muyeres seyan capitanes pirates y Madagascar represente, otra vuelta, el llugar de la utopía. Si conseguimos amás que los llectores más mozos desarrollen el gustu pola belleza de les ilustraciones al tiempu que-yos presta esta aventurina de pirates, el petite que ficiera al entamar el cuentu queda más que completu.

Los Cantiles de Bandiagara, en Mali, fueron declaraos Patrimoniu de la Humanidá pola UNESCO nel añu 1989. La semeya de les cases del país Dogón pingando de la paré de roca paecióme dende siempre una imaxen tremendamente poética y con abondes posibilidaes pa un álbum ilustráu. Amás, paecíame interesante abordar otra cultura dende una perspectiva non necesariamente “emic”, non necesariamente “occidental”. De les dos neñes, ¿quién tien les trences al revés?

Na so “Gramática de la Fantasía” Gianni Rodari fala d’imáxenes, imáxenes narratives qu’ufierten “un esquema d’una situación fantástica”. La imaxen de la que partí nesti cuentu fue la “caxa de cristal”. Esa imaxen dio llugar a una historia que, incomprensblemente (muncho tienen que ver les perreres ilustraciones de César González Herrerías), ganaría’l premiu de Llectures pa Rapazos, na so edición del 2004.

Nel llibru colectivu Contadores de lluz, el cuentu “Descansaben en Saveh”

Na recopilación Caminos que naide triara, el testu “L’astrónomu”

Na revista Lliteratura de l’ALLA, los cuentos “Sedna” (ganador del Concursu de Cuentos de la Tertulia Cultural el Garrapiellu) y “Nun tocar”

Nel llibru Asturies cuenta, y naide nun escucha de Suburbia Ediciones, el cuentu “Bloque dos, cuarta zona, espaciu alministrativu primeru. Asturies”.

Nos númberos ún y dos de la revista Formientu, los cuentos “A destiempu” y “La llaguna del desiertu” respectivamente.

Na recopilación Sentir que toi viva, el testu “ensin títulu”

Na recopilación Cuentos mínimos, el testu “cuando los perros lladren les ganes de glayar”

Na revista Lletres Asturianes de l’ALLA, el cuentu “progresu”